Les mots surlignés font l'objet d'une note
1Monseigneur, jay differé à vous escripre par ce que monsieur
2d’Orches m’envoya dernierement quil partoit bien tost pour sen aller
3en Daulphiné. Je m’attendois par luy vous advertir de toutes nouvelles,
4comme encores jespère faire. Toutesfois monsieur Pillet, present
5porteur, m’advertit hier de son depart et quil seroit bien ayse
6de vous porter des nouvelles de monsieur vostre filz pour lenvie quil
7a de vous faire service ; lequel despuis jeudy, après disner,
8est tumbé malade de la petite verolle, de laquelle il a
9esté deux ou trois jours bien fort tormenté, car la challeur
10estoit si grande, ne pouvant sortir, quelle luy randoyt une
11fiebvre. Maintenant, elle commance à sortir et il prend ung peu
12plus de repos que auparavantz. J’advertiz monsieur de La Roche
13dès le premier jour quil prins mal et tous les jours je luy
14faictz entendre son estat. Il fust hier icy pour le veoir
15et mondit sieur d’Orches avec luy. Il leur sembla quil se
16pourtoit bien, comme aussy il faict au medecin qui le visite,
17non pour luy ordonner medecines, car ne la malladie, ne
18le temps ne le permectent pas. Cest seulement pour lordonnance
19du vivre et de peur que quelque autre accident ne luy
20survienne, pour ce que ceste maladie est fort dangereuse
21quant elle nest bien pencée et soigneusement. Vous vous
22[v°] pouvez asseurer de ma diligence et soingnement que je n’obmectray
23rien que je puisse penser que ce soit pour sa santé, Dieu fera
24le reste. Le jeusne de monsieur de Rosset est guerry,
25mais laisné et le filz de monsieur de Corbon y sont tumbez,
26qui mest une fort grande peyne, car je les ay separez tous
27de chambre et baillé des gardes qui nest sans despence.
28Jespère que tous se porteront bien, car la verolle est sortie,
29qui est signe de guerison. Je n’attens heure que La Coste
30y tumbe toutesfois je lay spare. Je vous advertiray
31du tout plus amplement par mondit sieur d’Orches, attendent le
32despart duquel je prieray Dieu, vous donner
33Monseigneur, en parfaicte santé, très longue et heureuse vie.
34De Paris, ce Ve aoust 1572
35Vostre très humble et très obeissant
36Serviteur
37Jean Besson